آسٹریلیا کی معروف ٹی وی چینل کی نیوز کاسٹرڈیبورا نائٹ نے معزول کرکٹ کپتان اسٹیو اسمتھ کی تعریف کرتے ہو ئے کہا ہےکہ انہوں نے بال ٹیمپرنگ کے معاملے پر ان کے9سالہ بیٹے سے ذاتی طور پر معافی مانگی ہے۔ڈیبورا نائٹ کا کہنا ہے کہ اسمتھ کا یہ عاجزانہ عمل میرے لئے غیر متوقع تھا جس نے مجھ سمیت تمام لوگوں کو متاثر کیا ،اسمتھ کو اس بات کا احساس ہے کہ اس سے بڑی غلطی ہو ئی ہے اور وہ اس غلطی پر سخت نادم ہے اس معافی مانگنے کی تفصیل بیان کرتے ہو ئے نیوز کاسٹرڈیبورا نائٹ نے بتایا کہ میڈیا پر کپتان اسٹیو ا سمتھ ،ڈیوڈ وارنراور بینکروفٹ کی گیند کے ساتھ چھیڑ چھاڑ اور ٹیمپرنگ کے خبروں اور اسٹیو اسمتھ کی آنسوﺅں سے بھر ی سڈنی ایئر پورٹ پر پریس کانفرنس سے میرے 9سالہ بیٹے ڈیرسی نے رونا شروع کردیا۔