یہ اپریل فول نہیں ۔۔۔ سرکار نے پٹرول اور ڈیزل سستا کر دیا

اسلام آباد (نیا اخبار رپورٹ) وفاقی حکومت نے ماہ اپریل کیلئے پٹرول اور ڈیزل کی قیمتوں میں بالترتیب 2روپے 7 پیسے اور 2 روپے فی لٹر کمی کا اعلان کردیا ، مٹی کے تیل اور لائٹ اسپیڈ ڈیزل کی قیمتیں مارچ کی سطح پر برقرار رہیں گی، اطلاق رات 12 بجے ہوگیا۔ پٹرول کی نئی قیمت86 روپے ، ہائی سپیڈ ڈیزل کی 96.45 روپے فی لٹر ہوگئی جبکہ مٹی کے تیل کی قیمت 76.46روپے فی لٹر اور لائٹ ڈیزل کی قیمت 65.30 روپے فی لٹرپر برقرار رکھی گئی ہے ۔ اوگرا نے ڈیزل کی قیمت میں 65 پیسے فی لٹر اضافہ کی سفارش کی تھی۔اوگرا کی جانب سے وزارت پٹرولیم کو ارسال کی گئی سمری میں پٹرول کی قیمت میں 5 روپے 26 پیسے کمی،ہائی اسپیڈ ڈیزل کی قیمت میں 65 پیسے ، مٹی کے تیل کی قیمت میں 13 پیسے جب کہ لائٹ ڈیزل کی قیمت میں55 پیسے اضافے کی سفارش کی گئی تھی ۔