کوئٹہ: پی ٹی آئی کے دو دھڑوں کا جھگڑا، عمران خان خطاب چھوڑ کر چلے گئے

کوئٹہ (ویب ڈیسک)کوئٹہ میں پاکستان تحریک انصاف کے چیئرمین عمران خان کے خطاب کے دوران کارکن ا?پس میں لڑ پڑے جس کی وجہ سے عمران خان کو خطاب ادھورا چھوڑ کر واپس جانا پڑا۔پی ٹی آئی بلوچستان کے زیر اہتمام میٹروپولیٹن کارپوریشن کے قریب ممبرشپ کیمپ کا انعقاد کیا گیا تھا، چیئرمین عمران خان کیمپ میں ا?ئے اور جب خطاب شروع کیا تو پی ٹی آئی کے نور محمد دمڑ گروپ کے کارکنوں نے صوبائی قیادت کےخلاف نعرے بازی شروع کردی۔عمران خان نے اپنے مختصر خطاب میں کہا کہ آئندہ الیکشن میں پی ٹی ا?ئی کی حکومت ہوگی۔بدنظمی کے بعد چیئرمین پی ٹی ا?ئی عمران خان خطاب چھوڑ کر واپس روانہ ہوگئے جس کے بعد پی ٹی آئی کارکنوں کا جھگڑا شروع ہوگیا۔عمران خان کے نہ رکنےپر کارکن دل برداشتہ ہوگئے اور پارٹی بینرز جلادیے، پی ٹی آئی کی صوبائی قیادت کےخلاف نعرے بھی لگائے جبکہ ایئرپورٹ روڈ پراحتجاج کے دوران مشتعل کارکنوں نے عمران خان کی گاڑی پر کرسی بھی اچھالی۔پولیس نے کارکنوں کو منتشر کرنے کی کوشش شروع کردی۔