چودھری گرم سلاخوں سے بچے کا جسم داغتے رہے،زیادتی کی کوشش

شیخوپورہ(بیوروپورٹ)تھانہ صفدر آباد کے علاقہ چک نمبر 23 آر بی برنالہ میں بااثر چودھریوں نے 12 سالہ بچے کو اپنے حکم نہ ماننے کی پاداش میں اغوا کرکے یرہ پر لیجا کر اس کے جسم کو گرم سلاخوں سے داغتے رہے اور زبردستی زیادتی کی کوشش بھی کی اور اسکی حالت غیر ہونے پر گاﺅں کے چوراہے پر پھینک کر فرار ہوگئے پولیس نے ملزمان کیخلاف مقدمہ تو درج کرلیا ہے مگر چار روز گزرنے کے باوجود کسی بھی ملزم کی گرفتاری عمل میں نہیںآئی بتایا گیا ہے کہ کاشتکار بشیر احمد کا 12 سالہ بیٹا علی احمد گھر سے نماز پڑھنے کیلئے مسجد کی طرف جارہا تھا کہ راستہ میں محمد علیم جٹ نے اسے دکان سے سگریٹ لانے کا حکم دیا جو اس نے نہ مانا اور کہاکہ وہ نماز پڑھنے کیلئے مسجد جارہا ہے اسی بات پر ملزم مشتعل ہوگیا اور اس نے اپنے ساتھی بلال کی مدد سے زبردستی موٹرسائیکل پر سوار کرکے اپنے ڈیرہ پر لے گیا اورہاں ایک کمرہ میں بند کرکے اس کے زبردستی کپڑے اتار دئیے اور اس سے مبینہ طور پر زیادتی کی کوشش کی پھر اس کے جسم کو گرم سلاخیں لگا کر داغتے رہے اور تشدد کا نشانہ بناتے رہے بچے کی حالت غیر ہونے پر ملزمان اس کو خود ہی گاﺅںکے چوراہے پر پھینک کر فرار ہوگئے علی احمد کے والد کاشتکار بشیر احمد نے چیف جسٹس ،آئی جی پنجاب سے اپیل کی ہے کہ وہ ملزمان کو گرفتار کرکے انصاف کے تقاضے پورے کروائیں۔