قصور جعلی مقابلہ میں ملوث 2پولیس افسران کی ضمانت منسوخی درخواست پر ایڈیشنل پراسکیوٹر کو سپریم کورٹ کا حکم پیش کرنے کی ہدایت

لاہور (کورٹ رپورٹر)ہائیکورٹ نے قصور میں جعلی aپولیس مقابلے میں نوجوان مدثر کی ہلاکت سے متعلق کیس میںملوث 2پولیس افسروں کی ضمانت منسوخی کی درخواست پر ایڈیشنل پراسکیوٹرجنرل کوسپریم کورٹ کاحکم پیش کرنے کی ہدایت کرتے ہوئے سماعت 28مارچ تک ملتوی کردی ۔ پراسکیوشن کی جانب سے ایڈیشنل پراسکیوٹر جنرل عبدالصمد پیش ہوئے، پراسیکیوٹر نے موقف اختیار کیاکہ ایمان فاطمہ سے زیادتی کے شبہ میں مدثرکومبینہ پولیس مقابلے میں ہلاک کردیا گیا ، جی آئی ٹی تفتیش میں سابق ایس ایچ او قصور یونس ڈوگر اورانسپکٹر ریاض گہنگار پائے گئے ہیں، پرسیکیوٹر نے مزید کہاکہ ایڈیشنل سیشن جج نے ملزمان کی ضمانت منظور کر لی ہے جبکہ سپریم کورٹ نے معاملے کا ازخود نوٹس لیتے ہوئے ضمانت منسوخی کی درخواست دائر کر نے کا حکم دیاہے، پرسیکیوٹر نے استدعاکی کہ پولیس افسران قصوروار ہیں لہذان کہ ضمانت خارج کی جائے،عدالت نے پراسیکیوٹرجنرل کوسپریم کورٹ کا آرڈر پیش کرنے کا حکم دیتے ہوئے مزید سماعت 28مارچ تک ملتوی کردی ۔