ما نچسٹر یو نا ئیٹڈکا چیمپئنزلیگ میں قصہ تمام

لندن ( سی پی پی ) چیمپپئنز لیگ کے کوارٹر فائنل میں مانچسٹر یونائیٹڈ اپنے ہی گھر سوِیا کے سامنے دو ایک سے ڈھیر ہو کر ایونٹ سے باہر ہو گئی۔ مانچسٹر یونائیٹڈ کے تاریخی سٹیڈیم میں میزبان ٹیم کو تاریخ ساز شکست کا سامنا کرنا پڑا۔ چیمپئنز لیگ کے لاسٹ سکسٹین کے سیکنڈ لیگ میں میزبان مینیو اور سوِیا کی ٹیمیں مدمقابل ہوئیں۔اعصاب شکن مقابلے کے پہلے ہاف میں کوئی گول سکور نہ ہوا جس سے میچ سنسنی خیز ہو گیا۔ دوسرے ہاف کے ختم ہوتے منٹس نے دلوں کی دھڑکنیں تیز کر دیں۔74ویں منٹ میں مہمان ٹیم کے بین ییدر نے گول کر کے سب کو حیران کر دیا۔ اسی متبادل کھلاڑی نے چار منٹ بعد ایک بار پھر گیند کو جال میں ڈال کر برتری کو دوگنا کر دیا۔تماشائیوں سے بھرے سٹیڈٰیم میں جوش اور سوگ کا عالم دیکھنے کو ملا۔ 84ویں منٹ میں مانچسٹر یونائیٹڈ کے لوکاکو نے گول کر کے سکور دو ایک کر دیا۔ اسی سکور پر میچ کا اختتام ہوا۔ پہلے لیگ کے بغیر گول ختم ہونے کا نقصان مینیو کی ٹیم کو ہوا۔ دو ایک ہی کے مجموعی سکور نے مانچسٹر یونائیٹڈ کو چیمپئنز لیگ سے آو¿ٹ کر دیا۔