سپرلیگ ینگسٹرزکےلئے کھیل نکھارنے کااچھاموقع

دبئی(مانیٹرنگ ڈیسک) کوئٹہ گلیڈی ایٹر کے اسسٹنٹ کوچ عبدالرزاق نے کہا ہے کہ پی ایس ایل سےمستقبل کیلئے اچھے کھلاڑی سامنے آرہے ہیں۔چینل ۵ کے پروگرام گگلی سے گفتگو کرتے ہوئے انہوںنے کہا کہ نوجوان کھلاڑیوں کو پی ایس ایل میں کھیل کر انٹرنیشنل سطح پر آسانی ہوگی کوئٹہ گلیڈی ایٹر میں کچھ خامیاں ہیں جو آہستہ آہستہ دور کررہے ہیں۔ کوئٹہ گلیڈی ایٹر سیمی فائنل کیلئے لازمی کوالیفا ئی کرے گا۔پاکستانی فنکار بلال اشرف نے کہا کہ پی ایس ایل کا فائنل کراچی میں ہونا عوام کیلئے بڑی خوشخبری ہے کراچی کے لوگ کرکٹ دیکھنے کو ترس گئے ہیں۔ ملتان سلطان بہت اچھی کارکردگی کا مظاہرہ کررہا ہے لیکن لاہور قلندر کی بدقسمتی عروج پر ہے لاہور قلندر کو بہت محنت درکار ہے سیمی فائنل کیلئے کوئی چوتھے نمبر والی ٹیم بھی آگے آسکتی ہے کرکٹ میں ایک گیند سے گیم بدل جاتی ہے۔ پی ایس ایل تھری میں اچھا ٹیلنٹ دیکھنے کو ملا ہے۔