لاہور: (ویب ڈیسک) سپریم کورٹ نے پیرا گون سٹی کے معاملے میں وفاقی وزیر ریلوے خواجہ سعد رفیق کو 10 مارچ کو طلب کر لیا۔سپریم کورٹ لاہور رجسٹری میں ایل ڈی اے سٹی از خود نوٹس کیس کی سماعت ہوئی۔ چیف جسٹس پاکستان کی سربراہی میں 3 رکنی بنچ نے از خود نوٹس کیس کی سماعت کی۔ سماعت کے دوران چیف جسٹس نے ریمارکس دیئے کہ کس قانون کے تحت ایل ڈی اے سٹی کا ماڈل بنایا گیا ، اربن ڈویلپمنٹ کمپنی کا ٹھیکہ کس کس کو دیا گیا۔ ڈی جی ایل ڈی اے نے بتایا کہ اربن ڈویلپمنٹ کمپنی کے مالک طاہر جاوید کو ٹھیکہ دیا گیا۔
