بھارتی فلمساز فواد خان کو فلم میں کاسٹ کرنے کی خواہشمند

ممبئی(شوبزڈیسک )بھارتی ایوارڈ یافتہ فلمساز سونالی بوس کا کہنا ہے کہ وہ فواد خان کے ساتھ فلم بنانا چاہتی ہیں لیکن مسئلہ یہ ہے کہ فلم نگری میں اس پر کوئی بھی میری حمایت نہیں کرے گا۔بھارت میں تخلیقی کام پر قدغن کے عنوان سے منعقد کئے گئے مباحثے کے دوران بھارتی فلمساز سونالی بوس نے کہا کہ خواتین کے حقوق کی حفاظت اور ان کی تصویر صحیح انداز میں پیش کرنے کے بجائے یہ لوگ فلمسازوں کو ا?زادی کے ساتھ کام کرنے سے روک رہے ہیں۔ سینما کو ا?زاد ہونا چاہئے لیکن بھارت میں بدقسمتی سے آج کل ایسا نہیں ہے۔سونالی بوس کا کہنا تھا کہ وہ پاکستانی اداکار فواد خان کو لے کر فلم بنانا چاہتی ہیں لیکن شدید خواہش کے باوجود وہ ایسا نہیں کرسکتیں ، کیونکہ بالی ووڈ میں پاکستانی فنکاروں کے کام کرنے پر پابندی عائد ہے جو کہ نہیں ہونی چاہیے۔ جس پر مباحثے کے میزبان نے انہیں خبردار کیا کہ ایسی رائے کا اظہار کرنے سےآپ کو وطن دشمن بھی کہا جاسکتا ہے۔ جس پر سونالی بوس نے جواب میں کہا کہ یہی سب سے بڑا مسئلہ ہے۔بھارتی فلمساز نے کہا کہ میں دو پڑوسی ملکوں کے درمیان دوستی کی بات کرتی ہوں، میں اپنی فلم میں فواد خان کو مرکزی کردار میں شامل کرنا چاہتی ہوں لیکن بدقسمتی سے ایسا نہیں ہے، فلمساز ہی میری حمایت نہیں کریں گے، کیونکہ ایسا کرنے سے وہ خطرات اور اندیشوں میں گھر جائیں گے۔واضح رہے کہ دو برس قبل 2016 میں کشمیر میں قائم اڑی کیمپ میں حملے کے بعدہندو انتہا پسندوں نے بھارت میں پاکستانی فنکاروں پر پابندی عائد کردی تھی، جس کے بعد بھارتی فلمسازو پروڈیوسرز شدید خواہش کے باوجود پاکستانی فنکاروں کے ساتھ کام نہیں کر پارہے ہیں۔۔