شارجہ(یو این پی) پاکستان سپر لیگ کے پرجوش فرنچائز مالک رانا فواد اب بھی اپنی ٹیم کی کامیابی کیلئے پر امید ہیں۔ انہوں نے کہا کہ جو کچھ ہوا وہ ماضی کا حصہ بن گیا اور لاہور قلندرز کی ٹیم ٹورنامنٹ میں کم بیک کرے گی۔
ان کا کہنا تھا کہ سلمان ارشاد کو کھیلنے کا موقع ملا جبکہ آغا سلمان بھی ایکشن میں نظر آ ئے ، انہیں بہت خوشی ہے کہ پاکستان کا نیا ٹیلنٹ دنیا کے سامنے آرہا ہے ،سلمان کا پہلی بال پر مصباح الحق کو آو¿ٹ کرنا بڑ ی بات تھی۔سوشل میڈیا پر ملنے والی محبت کے سوال پر فوادرانا کا کہنا تھا کہ میں خود تو سوشل میڈیا پر نہیں ہوں لیکن میری ٹیم مجھے بتاتی ہے کہ لوگ مجھ سے کتنا پیار کرتے ہیں ،اس محبت کیلئے لوگوں کا شکر گزار ہوں۔انہوں نے اپنے چاہنے والوں کو پیغام دیتے ہوئے کہا کہ وہ لاہور قلندرز کی حمایت کریں اور سب سے بڑھ کر پاکستان کو سپورٹ کیا جائے۔
