پاکستان سپر لیگ: آج سلطانز کا گلیڈی ایٹرز اور زلمی کا قلندرز سے مقابلہ ہوگا

دبئی(ویب ڈیسک) پاکستان سپر لیگ میں آج بھی دو میچ شیڈول ہیں، پہلے مقابلے میں ملتان سلطانز کا کوئٹہ گلیڈی ایٹرز جبکہ دوسرے میچ میں پشاور زلمی اور لاہور قلندرز ان ایکشن ہوں گے۔شام ساڑھے چار بجے ملتان سلطانز کا کوئٹہ گلیڈی ایٹرز سے مقابلہ ہوگا ، دونوں ٹیمیں ابھی تک چار چار میچ کھیل چکی ہیں ، ملتان سلطانز نے 2 مقابلے جیتے ایک ہارا اور ایک بارش کی نذر ہو گیا جبکہ کوئٹہ گلیڈی ایٹر نے 4 میچوں میں سے 2 میچ جیتے اور 2 ہاری ہے۔ رات 9 بجے لاہور قلندرز اور پشاور زلمی آمنے سامنے ہونگے ، قلندرز ایک بار پھر پہلی جیت کی تلاش میں نکلیں گے ، لیگ کے تیسرے ایڈیشن میں” سیمی الیون ” ٹائٹل کا دفا ع کر رہی ہے۔