پنجاب گروپ آف کالجز کے زیراہتمام تین روزہ اسپورٹس میلے کا آغاز

پاکپتن(ویب ڈیسک) پاکپتن میں پنجاب گروپ آف کالجز کے زیراہتمام تین روزہ اسپورٹس میلے کا آغاز ہوگیاہے۔ افتتاحی تقریب میں چاروں صوبوں کی ثقافت کواجاگر کیا گیاپاکپتن پنجاب گروپ آف کالجز میں رنگا رنگ اسپورٹس میلے کا آغاز ہوگیا ہے۔ تقریب کا آغاز فضا میں غبارے چھوڑ کرکیا گیا۔ افتتاحی تقریب میں بچوں نے پنجاب، بلوچستان، سندھ اورخیبرپختونخوا کی ثقافت کو اجا گر کیا۔ مختلف رنگوں میں ملبوس ٹیموں نے مارچ پاسٹ بھی کیا۔تین روزہ اسپورٹس میلے میں کرکٹ، فٹبال، بیڈمنٹن، رسہ کشی، والی بال اور میوزیکل چیئرکے مقابلے شامل ہیں۔ افتتاحی روز شائقین کی بہت بڑی تعداد نے گراؤنڈ کا رخ کیا۔ اسپورٹس میلے کے آخر میں فاتح کھلاڑیوں کو انعامات دیئے جائیں گے۔