لاہور (نیااخبار رپورٹ) اورنج لائن منصوبے کے سب سے مشکل سٹیشن کی تعمیر کا معاملہ‘ سنٹرل سٹیشن کی تعمیر کیلئے آئندہ تین ماہ کیلئے جی پی او چوک پر مال روڈ کو ہر قسم کی ٹریفک کیلئے بند رکھا جائے گا۔ اورنج لائن منصوبے میں سنٹرل سٹیشن کی تعمیر کیلئے آئندہ 3ماہ کیلئے جی پی او چوک مال روڈ کو بند کرنے کا فیصلہ کر لیا گیا ہے۔ ایل ڈی اے نے ٹریفک کیلئے متبادل روٹ پلان تشکیل دے دیا۔ یکم جنوری 2018ءسے جی پی او چوک ہر قسم کی ٹریفک کیلئے بند کر دیا جائے گا۔
چیئرنگ کراس اور اسمبلی ہال سے آنے والی ٹریفک ہائیکورٹ چوک سے فین روڈ پر جائے گی۔ فین روڈ پر آنے والی ٹریفک مزنگ چوک سے براستہ جی پی او سے جین مندر‘ لوئر مال جائے گی۔ داتا دربار‘ بھاٹی چوک اور ٹاﺅن ہال سے آنے والی ٹریفک کو نیپئر روڈ پر موڑا جائے گا۔ نیپئر روڈ سے ٹریفک ہائیکورٹ مال روڈ کے سامنے دوبارہ آ سکے گی۔ سب سے مشکل سٹیشن کی تعمیر کیلئے مال روڈ جی پی او ٹریفک کیلئے بند رہے گا۔
