لاہور(آئی این پی) پی ایس ایل میں تمام فرنچائزز نے اپنا 21واں پلیئر منتخب کرلیا۔ایونٹ کی چیمپئن پشاور زلمی کی ٹیم نے خوش دل شاہ کو سکواڈ میں شامل کیا جبکہ کوئٹہ گلیڈی ایٹرز نے محمد جنید کی قسمت کا دروازہ کھولا ۔آسٹریلیا کی گریڈ ٹو کرکٹ میں دھوم مچانے والے سلمان ارشاد کو لاہور قلندرز نے ٹیلنٹ ہنٹ کیٹگری اور عمر ان خان جونیئر کو سلو ر کیٹگری میں ٹیم میں شامل کیا ۔ شان مسعود کو ملتان سلطان نے منتخب کر لیا جبکہ فاسٹ بالر محمد طحہ اور مشتاق احمد کراچی کنگز کے سکواڈ کا حصہ بنے ، روحیل نذیر کو پاکستان سپر لیگ کے پہلے ایڈیشن کا ٹائٹل جیتنے والی اسلام آباد یونائیٹڈ نے منتخب کیا ۔
