نیویارک (خصوصی رپورٹ) بابری مسجد کی شہادت کے حوالے بھارت میں مسلمان دشمنی کے باعث انتہا پسند ہندو تنظیموں نے اجمیر شریف میں حضرت خاجہ معین الدین غریب نواز کے مزار کو شہید کرنے کی منصوبہ بندی کر لی جبکہ اس سلسلہ میں مودی سرکار انتہا پسند تنظیموں کی اندرون خانہ پشت پناہی کر ہی ہے۔
بھارت میں مقیم 20 کروڑ مسلمانوں کو ہندو تنظیموں نے ٹارگٹ کیا ہوا ہے۔ بھارت کی ایک انتہا پسند تنظیم شیو سینا کے جنرل سیکرٹری لکھن سنگھ نے دیگر ہندو تنظیموں اور بھارت کے تمام ہندوﺅں کو ہدایت کی کہ وہ ایک جان ہو کر مسلمانوں کی صدیوں پرانی درگاہ اجمیر شریف کو مسمار کرنے کیلئے تیار ہو جائیں کیونکہ اس جگہ ایک مندر تھا۔ مسلمانوں نے ہندوﺅں کے مندر کو ختم کر کے اس جگہ پر قبضہ کر لیا تھا۔
انتہا پسند ہندو تنظیموں کے پاس خطرناک اسلحہ کے ذخائر موجود ہیں۔ بدقسمتی سے پاکستان کی حکومت بھارت کے معاملہ میں دفاعی پوزیشن اختیار کئے ہوئے ہے۔ بھارت پاکستان کو دنیا میں بدنام کرنے کےلئے کوئی موقع ضائع ہونے نہیں دیتا۔ پاکستان کے کمزور رویہ کی وجہ سے آج پاکستان کو دنیا بھر میں مشکوک نظروں سے دیکھا جا رہا ہے۔
