حریم فاروق ”پرچی“ کیلئے مارے مارے پھرنے لگی

لاہور (خصوصی رپورٹ) اداکارہ حریم فاروق نے انپی فلم ”پرچی“ کی تشہیری مہم کا آغاز کر دیا۔ تفصیلات کے مطابق حریم فاروق کی فلم ”پرچی“ اگلے ماہ پانچ جنوری سے سینما گھروں میں ریلیز ہو رہی ہے۔ اس حوالے سے حریم فاروق نے فلم کی دیگر کاسٹ کے ہمراہ تشہیری مہم کا سلسلہ شروع کر دیا ہے۔ حریم فاروق نے ایک نجی ٹی وی چینل کے شو میں شرکت کرنے کے ساتھ مختلف کالجز میں بھی اپنی فلم کی تشہیری مہم کا سلسلہ شروع کر رکھا ہے۔ اور لاہور کے بعد وہ کراچی میں بھی فلم کی تشہیری مہم کا سلسلہ شروع کریں گی۔ یاد رہے کہ فلم ”پرچی“2018 میں ریلیز ہونے والی پہلی فلم ہوگی۔