لندن (ویب ڈیسک)وزیراعظم شاہد خاقان عباسی اور وزیراعلیٰ پنجاب شہباز شریف کی لندن میں سابق وزیراعظم نواز شریف سے ملاقات کا امکان ہے۔ شاہد خاقان عباسی وزیراعلیٰ پنجاب شہباز شریف کے ہمراہ ترکی سے لندن پہنچے جہاں ان کی نواز شریف سے ملاقات متوقع ہے۔ نجی ٹی وی کے ذرائع کا کہنا ہے کہ سابق وزیراعظم اور مسلم لیگ (ن) کے صدر نواز شریف سے ملاقات کے دوران ملکی سیاسی صورتحال سمیت دیگر امور پر تبادلہ خیال کیا جائے گا۔خیال رہے کہ وزیراعظم شاہد خان عباسی نے وفد کے ہمراہ استنبول میں ہونے والی اسلامی تعاون تنظیم کے سربراہ اجلاس میں شرکت کی تھی۔
