شہباز شریف رانا ثنا ءاﷲ سے استعفیٰ لینے کیلئے تیار ، چونکا دینے والی خبر نے ہلچل مچا دی

اسلام آباد (ویب ڈسک)نجی ٹی وی چینل کے پروگرام میں بات کرتے ہوئے سینئیر صحافی نے کہا کہ پنجاب کے وزیر قانون رانا ثناءاللہ سے متعلق ملک کی دینی جماعتوں ، سیالوی گروپ اور ختم نبوت کے گروپوں نے مطالبہ کیا ہے کہ ان کو عہدے سے ہٹا دی جائے۔ چونکہ انہوں نے بے ہودہ بیانات دئے ہیں اور آگے جا کر ایک اقلیت کے بارے میں باتیں کی ہیں لہٰذا رانا ثناءاللہ معافی مانگیں اور کلمہ پڑھیں اور پنجاب حکومت ان کا استعفٰی دلوائیں۔رانا ثناءاللہ کے استعفے کے لیے حکومت کو 3 دسمبر کی مہلت دی گئی تھی لیکن وزیر اعلیٰ پنجاب شہباز شریف نے تھوڑی اور مہلت لی ہے جبکہ نواز شریف اور شہباز شریف کے مابین رانا ثناءاللہ کے معاملے پر ایک تنازعہ کھڑا ہو گیا ہے۔ وزیر اعلیٰ پنجاب شہباز شریف نے میاں محمد نوازشریف کو یہ تجویز دی ہے کہ رانا ثنا اللہ استعفیٰ دے دیں اور انہیں عہدے سے ہٹا دیا جائے۔لیکن اس پر میاں نواز شریف نے کہا کہ ہے کہ میں رانا ثناءاللہ کو کسی قیمت پر عہدے سے نہیں ہٹاآﺅں گا۔ رانا ثناءاللہ جیسا وفادار، قربانی دینے والا ، برے وقت میں ساتھ دینے والا پنجاب بھر میں اور کون ہے؟ میں کسی صورت ایسا نہیں ہونے دوں گا۔ پہلے بھی زاہد حامد کا استعفیٰ غلط دلوایا ہے۔ شہباز شریف نے نواز شریف سے یہ بھی کہا ہے کہ وہ رانا ثناء اللہ کو سینٹرل ایگزیکٹو کمیٹی کا ممبر مت بنائیں ، کیونکہ ملک کی دینی قوتیں سراپا احتجاج ہیں پورا ملک ان کے ساتھ ہے۔آپ کے اور ہمارے لوگ گھروں سے بھاگ کر منہ چھپاتے پھر رہے تھے۔ شہباز شریف کی اس بات سے بھی نواز شریف نے انکار کیا اور کہا کہ میں نے عابد شیر علی کو بنایا ہے تو رانا ثناءاللہ کو بھی بناو¿ں گا۔ شہباز شریف نے نواز شریف کو کہہ دیا ہے کہ اب یہ صورتحال ہو گئی ہے کہ ہمارا سیاسی جنازہ نکلے گا۔ آپ رانا ثناء اللہ کو بچا لیں اور شہباز شریف کی قربانی دینے کے لیے تیار ہو جائیں