اسلام آباد: (ویب ڈیسک) پارلیمانی رہنماؤں کےاجلاس میں نئی حلقہ بندیوں کیلئے آئینی ترمیم پر کوئی پیشرفت نہ ہوسکی، اٹارنی جنرل، شماریات ڈویژن اور الیکشن کمیشن حکام کی بریفنگ بھی اپوزیشن جماعتوں کو مطمئن نہ کر سکی۔ تفصیلات کے مطابق نئی حلقہ بندیوں کی آئینی ترمیم پر ڈیڈلاک برقرار، پیپلزپارٹی اور ایم کیو ایم نے اپنے مؤقف سے پیچھے ہٹنے سے انکار کر دیا، پی ٹٰی آئی نے بھی اپوزیشن کا ساتھ دیا۔ سپیکر ایاز صادق نے کہا حلقہ بندیوں سے متعلق مزید مشاورت کیلئے اجلاس بدھ کو بھی ہو گا، سب سیاسی جماعتیں قیادت سے مشاورت کر کے جواب دیں گی۔
