شاداب خان کو نہیں دانٹتا تاکہ دباو میں نہ آئے، سرفراز

کراچی (سپورٹس ڈیسک) قومی کرکٹ ٹیم کے کپتان سرفراز احمد نے کہا کہ کرکٹ کے میدان میں غلطی کرنےوالے کھلا ڑی پر غصہ کرتا ہوں لیکن لڑکے میرے غصے کو سمجھتے ہیں۔ان کا کہنا تھا کہ میں شاداب خان کو نہیں ڈانٹتا ہوں۔نجی نیوز چینل دنیا نیوز کے پروگرام ”کرکٹ دیوانگی “ میں اینکر پرسن زینب عباس نے سوال کیا کہ آپ کا غصہ بہت مشہور ہے؟ ۔
جس پر بات کرتے ہوئے سرفراز احمد نے کہا کہ میرا غصہ صرف کرکٹ کے میدان کی حد تک ہوتا ہے اور لڑکے بھی اس بات کو مجھتےہیں۔
انہوں نے بتا یا ک میں شاداب خان پر غصہ نہیں کرتا کیو نکہ وہ وکٹ ٹیکنگ باولر ہے اس لیے اسے پورا اعتماد دیتا ہوں تاکہ وہانڈرپریشرہو کر غلطی نہ کرے۔انہوں نے کہا کہ ہم نے اٹیکنگ کرکٹ کھیلنے کی منصوبہ بندی بنا رکھی ہے جو ہماری فتوحات کا راز ہے ،شاداب خان وکٹیں لے کر اٹیکنگ کرکٹ میں اہم کردار ادا کرتے ہیں ،اٹیکنگ کرکٹ کی اس منصوبہ بندی کی وجہ سے اہم باولرز کے اوورز بچا کر نہیں رکھتا انہیں پہلے ہی اٹیک کا موقع دیتا ہوں۔