کوہلی کوکلین چٹ دیناحیران کن فیصلہ،نوفل اویس شاہد

لاہور(مانیٹرنگ ڈیسک ) سپورٹس جرنلسٹ نوفل اویس شاہدنے کہا ہے کہ پاکستانی ٹیم کاٹی 20میں پہلی پوزیشن پرآنافخرکی بات ہے،اب دیکھنا ہے کہ گرین شرٹس کب تک اپنی پوزیشن کو برقراررکھ پائے گی،چینل فائیوکے پروگرام گگلی میں گفتگوکرتے ہوئے انہوں نے کہا کہ بھارتی کھلاڑیوں کی غلطیاں آئی سی سی کونظرنہیں آتیں۔قوانین کی خلاف ورزی کرنے پر بھی آئی سی سی کابھارتی کپتان ویرات کوہلی کو کلین چٹ دینا انتہائی حیران کن ہے۔کوہلی میچ کے دوران واکی ٹاکی پر گفتگو کرتے رہے۔اگر کسی پاکستانی یا دیگرملک کے کھلاڑی نے یہ حرکت کی ہوتی تواس کوسزادی جاتی۔بھارت نے کیویزکیخلاف پہلامیچ توباآسانی جیت لیا ۔اب نیوزی لینڈکوکم بیک کرنے کےلئے زورلگاناہوگا۔کیویزکونمبرون پوزیشن بچانے کی بھی فکرہے۔قومی آل راﺅنڈرحفیظ کاباﺅلنگ ایکشن اگر کلیئرنہ ہواتوپھر ان کےلئے ٹیم میں جگہ برقراررکھنا مشکل ہوجائیگا۔