میچ ہارنے پر سرفراز انوکھی وضاحتیں دینے لگے

ابوظہبی (نیوزایجنسیاں)سری لنکا نے پاکستان کو پہلے ٹیسٹ میچ میں 21رنز سے شکست دید ی ہے جس پر قومی ٹیم کے کپتان سرفراز احمد کا کہناہے کہ ٹیم کو کچھ مسائل تھے جس کی وجہ سے میچ جیت نہیں سکے۔تفصیلات کے مطابق سرفراز احمد کا کہناتھا کہ حارث سہیل نے بہت اچھا کھیل پیش کیا امید ہے وہ آئندہ میچز میں بھی اچھی پرفارمنس دیں گے۔ان کا کہناتھا کہ آسان ہدف تھا میچ جیتنا چاہیے تھا۔سری لنکا کی جانب سے دیا جانے والاہدف آسان تھا میچ جیتنا چاہیے تھا ،اگلے میچ میں کارکردگی کو بہتر بنائیں گے اور بھر پور کم بیک کریں گے۔ سرفراز احمد کا کہناتھا کہ حارث نے اچھا کھیل پیش کیا امید ہے کہ وہ آئندہ بھی اچھی پرفارمنس دیں گے۔میچ کی اختتامی تقریب سے خطاب کرتے ہوئے سری لنکا کے کپتان کا کہناتھا کہ جیت کا کریڈٹ پوری ٹیم کو جاتاہے۔میچ میں شاندار کارکردگی دکھانے پر رنگا ہیراتھ کو مین آف دی میچ کے اعزاز سے نوازا گیا۔