سنی لیون کا ”راگنی ایم ایم ایس“ کے سیکوئل میں کام سے انکار

ممبئی(شوبز ڈیسک) بالی وڈ کی اداکارہ سنی لیون نے ماضی کی مشہور فلم ”راگنی ایم ایم ایس“ کے سیکوئل میں کام کرنے سے انکار کردیا۔ میڈیاکے مطابق فلمساز ایکتا کپور کی مشہور فلم ” راگنی ایم ایم ایس ریٹرن“ میں اداکاری کیلئے جب سنی لیون سے رابطہ کیا گیا تو انہوں نے یہ فلم کرنے سے صاف انکار کردیا۔اداکارہ سنی لیون نے اس سیریز کی گزشتہ فلم میں مرکزی کردار ادا کیا تھا۔یوا ین پی کے مطابق ”راگنی ایم ایم ایس ٹو“ ان کے فلمی کیرئیر کی ایک اہم فلم رہی ہے۔ تاہم اس کے آئندہ سیکوئل میں سنی کی جگہ اب کوئی اور اداکارہ یہ کردار کریںگی۔واضح رہے کہ سنی لیون ان دنوں اپنی نئی بالی وڈ فلم ” تیرا انتظار“ کی شوٹنگ میں مصروف ہیں جس میں ان کے ساتھ اداکار ارباز خان دکھائی دیں گے۔حال ہی میں فلم” بھومی“میں سنی لیون نے آئٹم نمبرپیش کیا تھا۔