ایشوریہ کے ساتھ فلم میں کام کرنے پر خوشی ہے

ممبئی (شوبز ڈیسک) بالی وڈ اداکار انیل کپور نے کہا ہے کہ اداکارہ ایشوریہ رائے بچن کے ساتھ تیسری بارفلم میں کام کرنے پر خوشی ہے۔ بھارتی میڈیا کے مطابق اداکار انیل کپور نے کہا ہے کہ انہیں بے حد خوشی ہے کہ وہ اداکارہ ایشوریہ رائے بچن کے ساتھ فلمساز راکیش او پراکاش مہرا کی فلم ”پھنے خان “ میں تیسری بار اکھٹے جلوہ گر ہوں گے اور انہیں ایشوریہ کے ساتھ فلم کی عکسبندی کا بے حد انتظار ہے۔ انہوں نے کہا کہ انہیں بے حد خوشی ہے کہ ایشوریہ رائے کے ساتھ تیسری بار فلم میں کام کرنے کا موقع ملا اور ان کے ساتھ اکتوبر میں فلم کی عکسبندی شروع شروع ہو گی۔واضح رہے کہ انیل کپور اور ایشوریہ رائے اس سے قبل فلم ”تال “ اور” ہمارا دل آپ کے پاس ہے“ میں اکھٹے کام کر چکے ہیں۔