باکسر محمد وسیم کی انٹرنیشنل رینکنگ فائٹ ملتوی

اسلام آباد(آئی این پی)پاکستان کے مایہ ناز انٹرنیشنل پروفیشنل باکسر محمد وسیم کی انٹرنیشنل رینکنگ فائٹ ملتوی ہوگئی۔کوئٹہ سے تعلق رکھنے والے باکسر محمدوسیم کی نئی انٹرنیشنل رینکنگ فائٹ 23ستمبرکو کولمبیا میں ہونا تھی، تاہم یہ فائٹ فی الحال ایک ہفتے کےلیے ملتوی کردی گئی ہے۔اس حوالے سے باکسر محمد وسیم نے رابطہ کرنے پر بتایا کہ رینکنگ فائٹ کولمبیا کا ویزا جاری نہ ہونے کی بنا پر ملتوی کی گئی اور اب یہ فائٹ 30ستمبر کو ہوگی، جس میں ان کے مدمقابل کولمبیا کے باکسر جورلی ایسٹاراڈا ہوں گے۔محمدوسیم کا کہناتھا کہ کولمبیا کا ویزا نہ ملا تو فائٹ پاناما میں ہونےکا امکان ہے۔ ان کا کہنا تھا کہ رینکنگ فائٹ کے لیے سخت محنت کی ہے۔