روایتی کہانیوں سے ہٹ کر کچھ خاص کرنے کی کوشش کررہا ہوں

کراچی(شوبز ڈیسک)ڈرامہ پروڈیوسر و اداکار اعجاز اسلم نے کہا ساس بہو کے جھگڑے اور نند بھاوج کی کہانیوں پر بنائے جانیوالے ڈراموں سے ہٹ کر کچھ خاص کرنے کی کوشش میں مصروف ہوں۔ ان خیالات کا اظہار انہوں نے ایک انٹر ویو میں کیا۔انکا کہنا تھا اب وقت آگیا ہے کہ سینئر فنکار پروڈکشن کرکے اپنے تجربات سے فیض اٹھاسکتا ہے بطور پروڈیوسر بہت تلخ و شیریں تجربات ہوئے اب احساس ہورہا ہے کہ ایک پروڈیوسر کن کن مسائل سے دوچار رہتا ہے۔ ڈرامہ سیریل میں نیلم منیر اپنے کیریئر کا منفرد کردار ادا کررہی ہیں انکے علاوہ منال خان ،وہاج علی ، کرن قریشی و دیگر کا کام بھی ناظرین کو متاثر کریگا۔ اس موقع پر نیلم منیر نے کہا جن زادی کا کردار میری زندگی کا حصہ رہا ہے مجھے ایسا لگتا رہا کہ میں ”جن زادی “ہوں۔ منال خان نے کہا میرے لئے یہ کردار کسی چیلنج سے کم نہیں رہا۔ وہاج علی نے کہا اس کردار کو اداکرتے ہوئے بہت تجربات ہوئے۔ کرن قریشی نے کہا اب تک کئی سیریلز کرچکی ہوں لیکن مذکورہ سیریل میں متاثر کن کردارادا کیا ہے