پی سی بی نے تاریخی فتح کویقینی بنایا،سابق کرکٹرز

لاہور (اے پی پی )پاکستان نے آزادی کپ کے فائنل میں ورلڈ الیون کو 33 رنز سے شکست دے کر میچ کے ساتھ پوری قوم کے دل بھی جیت لئے۔ پاکستان کی جیت پر پوری قوم کے ساتھ قومی کھلاڑیوں نے اپنی خوشی کا اظہار سوشل میڈیا پر پاکستان میں انٹرنیشنل کرکٹ کی بحالی کی مبارکباد دیتے ہوئے کیا۔ بوم بوم آفریدی نے آزادی کپ جیتنے پر مبارکباد دیتے ہوئے کہا ہے کہ پی سی بی نے اس جیت کو یقینی بنایا۔ اس کے علاوہ انہوں نے جیت کا سہرا سرفراز احمد کے سرسجاتے ہوئے پاکستان زندہ باد کہا۔ راولپنڈی ایکسپریس شعیب اختر نے لکھا کہ پاکستان اور ورلڈ الیون ٹیم کا شکریہ جنہوں نے کرکٹ کے مداحوں کے چہرے پر خوشی بکھیری۔شعیب ملک نے لکھا کہ ہماری دعائیں رنگ لے آئیں یہ سیریز بہت شاندار تھی۔کرکٹر محمد حفیظ نے پاکستان آرمی اور پنجاب پولیس کا شکریہ ادا کرتے ہوئے کہا کہ یہ جیت صرف آپ کی وجہ سے ممکن ہوسکی۔عمراکمل نے ورلڈ الیون کے کھلاڑیوں کا شکریہ ادا کرتے ہوئے کہا کہ انھوں نے پاکستان میں انٹرنیشنل کرکٹ کی بحالی میں اہم کردارا دا کیا۔مصباح الحق نے پی سی بی کو مبارکباد دیتے ہوئے کہا کہ سیکیورٹی فورسز اور پی سی بی نے بہت محنت سے کام کیا اور اس سیریز کو کا میاب بنایا۔وقاریونس نے قومی ٹیم کو آزادی کپ جیتنے پر شابا ش دیتے ہوئے پی سی بی اور سیکیورٹی اداروں کی کوششوں کو سراہا۔ کرکٹر محمد عامر نے بھی ٹوئٹر پر قومی ٹیم کو مبارکباد دی۔وہاب ریاض نے احمد شہزاد اور بابراعظم کو مین آف دی میچ اور مین آف دی سیریز ایوارڈ ملنے پر مبارکباد دی ساتھ ہی سیکیورٹی اداروں اور آرمی کی کاوشوں کو بھی سراہا۔بابر اعظم نے مین آف دی میچ سیریز کا خطاب ورلڈ الیون کے نام کرتے ہوئے پاکستان آمد پر ان کا شکریہ ادا