عامر تیسرے ٹی 20میں بھی ان ایکشن نہیں ہونگے

لاہور(آئی این پی)قومی ٹیم کے فاسٹ بالر محمد عامر ورلڈ الیون کیخلاف آزادی کپ کے تیسرے میچ میں بھی ان ایکشن نہیں ہوں گے ۔تفصیلات کے مطابق محمد عامر بیٹی کی پیدائش کے باعث ورلڈ الیون کیخلاف پہلے دو میچز میں شرکت نہیں کرسکے تھے اور تیسرے مقابلے میں ایک دن کا وقفہ آنے کے باعث اس بات کی امید پیدا ہوگئی تھی کہ فاسٹ بالر شاید برطانیہ سے واپس آکر ٹیم کو جوائن کرلیں۔ذرائع نے اب اس بات کی تصدیق کی ہے کہ محمد عامر اب بھی اپنی بیٹی اوراہلیہ کے پاس لندن میں ہی موجود ہیں اور ورلڈ الیون کیخلاف سیریز کے تیسرے میچ بھی شرکت نہیں کریں گے ۔