سٹیج کی بہتری کیلئے سب کو مل کر کام کرنا ہوگا

لاہور (شوبز ڈیسک) فلم ، ٹی وی اور تھیٹر کے معروف کامیڈین اداکار افتخار ٹھاکر نے کہا ہے کہ ہماری مشکلات کی بڑی وجہ دین اسلام سے دوری ہے، خدا کی مقدس ذات نے انسان کو اپنی عبادت کے لئے پیدا کیا ہے مگر دور حاضرکے انسان کے پاس اپنے خالق کی عبادت کے لئے بھی وقت نہیں ہے ۔ انہوں نے ایک انٹرویو کے دوران کہا کہ زمین پر تمام انسان خدا کے پیدا کیے ہوئے ہیں مگر ہم انسان اس ذات کا حق ادا نہیں کر رہے ،ہمیں اپنی مشکلات کو دور کرنے کے لئے اپنے عمل اور رویوں میں تبدیلی کرنا ہو گی۔ افتخار ٹھاکر نے کہا کہ تھیٹر پر وہی دکھایا جا رہا ہے جو شائقین ڈرامہ دیکھنا چاہتے ہیں مگر ہمیں اسٹیج ڈرامے کی بہتری کے لئے سب کو ملکر کام کرنا ہو گا ۔