پی سی بی نے قومی ٹی20 ٹورنامنٹ ملتوی کردیا

لاہور(آئی این پی)قومی ٹی ٹوئنٹی ٹورنامنٹ عیدالاضحی کے باعث دو مرحلوں میں کھیلا جانا تھا۔ پہلا مرحلہ25اگست سے31 اگست تک ملتان ، دوسرا مرحلہ 4سے10 ستمبر تک فیصل آباد میں ہونا تھا۔ ذرائع کے مطابق پی سی بی نے اب ایونٹ کو ملتوی کردیا ہے۔ذرائع کا کہنا ہے کہ ورلڈ الیون کی پاکستان آمد اورمیچز کے شیڈول میں ردوبدل کے باعث قومی ٹی ٹوئنٹی ٹورنامنٹ کوملتوی کیا گیا ہے ۔17 ستمبرکو لاہور میں NA120 پر ضمنی انتخاب کے باعث ورلڈ الیون کے میچز ستمبر کے آغاز میں کرائے جائیں گے جس کا ٹکراو ورلڈ الیون کے میچز سے ہورہاتھا جس کے باعث ایونٹ کا پہلا مرحلہ کو ملتوی کردیا گیا ہے۔ممکنہ طور قومی ٹی ٹوئنٹی 4 سے20 ستمبر تک کرانے کا شیڈول زیرغور تھا۔ لیکن ٹورنامنٹ کا آغاز اب ورلڈ الیون کے دورہ پاکستان کے بعد ہوگا۔