ہسپانوی موٹر سائیکل سٹار و 13دفعہ کا ورلڈ چیمپیئن زندگی کی ریس ہار گیا

بارسلونا(آن لائن)ہسپانوی موٹر سائیکل سٹار و 13دفعہ کا ورلڈ چیمپیئن زندگی کی ریس ہار گیا،حادثے کے8روز بعد تک زندگی و موت کی کشمکش میں مبتلا ایجل نیتو دم توڑ گیا۔ ہسپانوی موٹر سائیکل لیجنڈ سٹار اور 13 بار کا ورلڈ چمپیئں ایجل نیتو موٹر سائیکل کے حادثے میں زندگی کی ریس ہار گیا۔، ایجل نیتو اپنی موٹر بائیک پر ابیزا سے سانتا اولالیا جا رہے تھے کہ وہ پیچھے سے آنے والی کار کے ساتھ ٹکڑا کر شدید زخمی ہو گئے ۔ڈاکٹرز کی سر توڑ کوشش کے باوجود گزشتہ روز دم توڑ گئے ان کی ہلاکت پر سپین بھر کی سپورٹس ایسویشنز اور سپورٹس لورز نے افسوس کا اظہار کرتے ہوئے انہیں شاندار الفاظ میں خراج تحسین پیش کیا ہے۔