اسلام آباد (مانیٹرنگ ڈسک) چیئرمین تحریک انصاف عمران خان نے کہا ہے کہ جمائمہ خان 21 سال کی عمر میں مسلمان ہو کر پاکستان آئی لیکن انہوں نے اس پر یہودی لابی اور ٹائلوں کی سمگلنگ کا الزام لگا دیا۔ عمران خان کا اسلام آباد پریڈ گراو¿نڈ میں عوام کے اجتماع سے خطاب کرتے ہوئے کہنا تھ کہ انہوں نے جمائما کے حوالے سے کبھی بھی بات نہیں کی لیکن انہوں نے مجھے مجبو رکیا کہ میں اس پر بات کروں۔ انہوں نے کہا کہ ا کیس سالہ لڑکی کو جو مسلمان ہو کر پاکستان آئی اس کو یہودی لابی کہا گیا، اس کے خلاف پوری مہم بازی کی گئی، جبکہ اس کے مسلمان ہونے پر برطانوی میڈیا نے بہت تنقید کی، انہوں نے لکھا کہ کیسے یہ لڑکی مسلمان ہوگئی؟انہوں نے جمائمہ پر ٹائلوں کی سمگلنگ کا کیس بنا دیا جبکہ وہ تو ٹائلیں اپنے ماں کو تحفے میں دینا چاہ رہی تھی،ان کی تنقید کی وجہ سے وہ نو ماہ ملک سے باہر رہی، انہی کی وجہ سے اس نے پاکستان چھوڑ دیا اور جب وہ گئی تو میرے بچے بھی گئے۔ عمران خان کا کہنا تھا کہ جس دن سپریم کورٹ کافیصلہ آیا جمائمہ نے دو ٹوئیٹ کیے جس سے ظاہر ہوتا ہے کہ وہ ابھی تک ان کی سازشوں کو نہیں بھولی۔
