نواز کے بعد زرداری کی باری

اسلام آباد (خبر نگار خصوصی) پاکستان تحریک انصاف (پی ٹی آئی) کے چیئرمین عمران خان نے پاناما کیس میں سپریم کورٹ کی جانب سے سابق وزیراعظم نواز شریف کو نااہل قرار دیے جانے کے بعد وفاقی دارالحکومت اسلام آباد کے پریڈ گراو¿نڈ میں یوم تشکر کے اجلاس سے خطاب کرتے ہوئے کہا ہے کہ سپریم کورٹ نے نئے پاکستان کی بنیاد رکھ دی ہے۔عمران خان کا کہنا تھا کہ سب سے بڑی خوشی یہ ہے کہ مجھے ایک بیدار قوم نظر آرہی ہے اور میں سب کا مشکور ہوں کہ صرف 48 گھنٹوں کے الٹی میٹم میں یہاں حاضر ہوئے۔ چیئرمین پی ٹی آئی نے کہا کہ میچ ابھی ختم نہیں ہوا، میچ آخری گیند پر ختم ہوتا ہے لیکن میں خوش خبری دے رہا ہوں کہ نئے پاکستان کا میچ ہم جیت چکے ہیں۔عمران خان نے کہا کہ میری تربیت میری ماں شوکت خانم نے کی جو ایک سیاسی اور شعور رکھنے والی ماں تھی اور انہوں نے بچپن سے مجھے کہا کہ انصاف اور حق و سچ کے لیے کھڑے ہو اور ظلم کے سامنے نہیں جھکنا۔ عمران خان نے اجلاس سے خطاب کرتے ہوئے کہا کہ ہم سپریم کورٹ کے ان پانچ ججوں کے مشکور ہیں اور جے آئی ٹی کے اراکین کا بھی شکر گزار ہیں جنہوں نے اتنا بڑا کام کیا۔ انہوں نے حکمران جماعت کو مخاطب کرتے ہوئے کہا کہ مافیا ہمیشہ خریدنے کی کوشش کرتا ہے اور ڈراتا ہے جس نے مجھے خریدنے کی کوشش کی تو انہوں نے کس کو چھوڑا ہوگا۔ ان کا کہنا تھا کہ 2 نومبر 2016ءکو ججوں نے مجھے کہا تم سڑکوں پر نہ جاو¿ اورعدالت میں آئیں اس لیے میں عدالت گیا تاہم سب نے کہا کہ یہ غلطی کی ہے اور انصاف کا موقع ضائع کردیا ہے۔ان کا کہنا تھا کہ صحافی مایوس تھے، پیپلزپارٹی نے اور سیاسی کزن طاہر القادری نے کہا کہ غلطی کی ہے کیونکہ ہمارا عدالتی نظام طاقتور کاساتھ دیتا تھا لیکن آج میں اپنے ججوں کو خراج تحسین پیش کرتا ہوں کیونکہ سپریم کورٹ نے آج نئے پاکستان کی بنیاد رکھی ہے۔ انہوں نے کہا کہ سپریم کورٹ کے ججوں کی جتنی تعریف کروں کم ہے۔ عمران خان نے اپنے خطاب میں اپنے لائحہ عمل کا اعلان کرتے ہوئے کہا ہم احتساب کا نیا نظام لائیں گے اور اگر ہماری حکومت میں کوئی کرپشن کرے گا تو میں ذمہ دار ہوں گا، پاکستان میں گورننس کا نظام بہتر اور کرپشن کا خاتمہ کریں گے۔ انہوں نے کہا کہ نہ کبھی کسی کے آگے جھکا اور نہ ہی قوم کو جھکنے دوں گا اور جب ہماری حکومت آئی تو ہم چاروں صوبوں میں قائم گورنرہاو¿سز کو پارکوں میں تبدیل کرد یں گے۔ ان کا کہنا تھا کہ تعلیم کا نظام لائیں گے۔ پی ٹی آئی کے سربراہ نے عبوری وزیراعظم کے لیے نامزد شاہد خاقان عباسی اور شہباز شریف کو خبردار کرتے ہوئے کہا کہ تیار ہوجاو¿ آپ کو بھی نہیں چھوڑیں گے۔ ان کا کہنا تھا کہ شہباز شریف تمھیں ڈاکٹریاسمین شکست دے گی۔ عمران خان نے کہا کہ نوازشریف کے بعد ن لیگ کو شہبازشریف کے علاوہ کوئی نہیں ملا کیونکہ مسلم لیگ نواز میں جمہوریت نہیں بلکہ وہ فیملی پارٹی ہے اور یہ جمہوریت نہیں بادشاہت ہے۔ عمران خان نے پیپلز پارٹی کے شریک چیئرمین کو مخاطب کرتے ہوئے کہا کہ آصف زرداری اس کے بعد تمھاری باری ہے۔ انہوں نے کہ کہ ہماری جنگ شریف خاندان کے خلاف نہیں تھی بلکہ کرپشن کے خلاف تھی اور کرپشن کے خلاف ہم نکلیں گے۔ ان کا کہنا تھا کہ خیبرپختونخوا میں نواز شریف کا بڑا ساتھی فضل الرحمٰن ہے آپ کے پیچھے بھی ہم آئیں گے۔ قبل ازیں اسلام آباد کے پریڈ گراو¿نڈ میں یوم تشکر منانے کے لیے پی ٹی آئی کے کارکنوں کی بڑی تعداد موجود تھی اور گراو¿نڈ کھچاکھچ بھرا ہوا تھا۔پی ٹی آئی کے چیئرمین عمران خان پارٹی کے دیگر رہنماو¿ں شاہ محمود قریشی، جہانگیر ترین اور اسد عمر کے ساتھ پریڈ گراو¿نڈ پہنچے جبکہ عوامی لیگ کے سربراہ شیخ رشید احمد پہلے سے جلسے میں موجود تھے۔ خیبر پختونخوا کے وزیراعلیٰ پرویز خٹک نے اپنے خطاب میں کہا کہ پاکستان کے عوام ڈاکووں سے آزاد ہو چکے ہیں جس پر سپریم کورٹ اور جے آئی ٹی ارکان مبارکباد کے مستحق ہیں۔ پرویز خٹک نے کارکنوں کو مسلم لیگ نواز کی جانب سے وزیراعظم کے لیے نامزد شہباز شریف کو لاہور میں انتخاب میں ہرانے کے لیے تیاری کا حکم بھی دیا اور کہا کہ تیار ہو جاو¿ شہبازشریف کو نیچے گرانا ہے۔ جلسے سے خطاب کرتے ہوئے اسد عمر کا کہنا تھا کہ پاناما لیکس میں آنے والے چار فلیٹس سے شروع ہونے والی جدوجہد 4 اقاموں تک پہنچ کر ختم ہوئی۔اسد عمرنے نواز شریف پر ملکی قرضوں میں اضافہ کرنے کا الزام عائد کرتے ہوئے کہا کہ نوازشریف سے زیادہ معصوم شکل بنا کر کوئی غلط بیانی نہیں کرسکتا۔ پی ٹی آئی کے رہنما نے اپنے خطاب میں کہا کہ ‘قرض پر قرض لینا ملکی سلامتی کےلئے خطرناک ہے’۔ ان کا کہنا تھا کہ یہ لوگ چوری چھپانے کیلئے اقاموں کا استعمال کرتے ہیں۔ سربراہ عوامی مسلم لیگ شیخ رشیدنے کہا ہے کہ آرٹیکل 62اور63کی میری رٹ تھی اسی پر فارغ ہوئے ہوا کیونکہ میں نے کہا تھا نواز شریف صادق اور امین نہیں ، میں ہو ں گا لیکن نواز شریف تم نہیں ہو گے ،سانپ زخمی ہوا ہے مرا نہیں ، نواز شریف کی کوشش تھی کہ مجھے غیر قانونی طور پر نکالا جائے،اسحاق ڈار،نوازشریف جب تم جیل میں ہوگے تمہیں یاد کراو¿ں گاتم لوگ چورہو، قطری گاڑی میں سیف الرحمان آیا اور کہا خاقان کو وزیراعظم بناو¿، ایل این جی کے قطری معاہدے سے ملک میں غربت بڑھی ہے، ہمیں معلوم تھا کہ نواز شریف مالدیپ اور سری لنکا کیا کرنے گئے تھے،سانپ مرا نہیں زخمی ہے، نواز شریف بزدل ہے اس نے کیا ایٹمی دھماکہ کرنا تھا ، میرے سمیت تین لوگوں نے دھماکہ کروایا ،نواز شریف نے 3 دفعہ کہا کہ شیخ رشید اسمبلی میں نہیں ہو گامگر عمران نے دوستی کا ثبوت دیا اور میں اسمبلی میں ہوں۔ عمران خان ، فوج اور مضبوط عدلیہ کی موجودگی میں ملک کو کچھ نہیں ہو سکتا، 13اگست کو لیاقت باغ میں جشن منائیں گے عمران کو بھی دعوت دیتا ہوں۔ان خیالات کا اظہا ر انہوں نے پی ٹی آئی جلسے کے یوم تشکر کے جلسے سے خطاب کر تے ہوئے کیا۔ انہوں نے کہا کہ فضل الرحمان نے ہمیشہ اقتدار کو ترجیح دی، اسلام پر اسلام آباد کو ترجیح دی ہے وہ اقتدار کے بغیر نہیں رہ سکتا ہر کسی کا حصہ دار ہونا اس کی مجبوری ہے انہوں نے کہا کہ عمران خان کیساتھ عوام کی امیدیں لگی ہیں، ان کی امیدیں نہ توڑنا کیونکہ پاکستانی چور کی چور سے نہیں،چور سے چوکیدار کی تبدیلی چاہتے ہیں، امیر سے ایماندار کی تبدیلی چاہتے ہیں۔ مجھے عمران نے جتنی عزت دی میں اس پر اس کا مشکور ہوں۔ آج عمران نے مجھے کہا شاہد خاقان کیخلاف کاغذات جمع کراو¿ہم سپورٹ کرینگے اور میں جا رہا ہوں ریفرنس دائر کرنے پھر معلوم ہو گا کہ انہوں نے کیا گل کھلا رکھے ہیں ، انہوں نے کہا کہ قطر کے ساتھ 15 سال کا معاہدہ کہاں ہے؟قطر کی ایل این جی سے ملکی انڈسٹری تباہ ہو رہی ہے۔ملک کو غربت کی طرف لیجایا گیا ہے اور اس میں بہت اضافہ ہوا ہے۔ انہوں نے کہا کہ میں کہتا تھا کہ حوصلہ رکھو، جذبہ زندہ رکھوان کی قربانی کا وقت آگیا ہے لیکن ایک بار قصائی بھاگ مگر اب جے آئی ٹی نے بہت شاندار کام کر کے چوروں کو باہر کر دیا ہے۔ شیخ رشید نے کہا کہ شریف خاندان کی انگریزی ایسی ہے کہ جے آئی ٹی بننے پر مٹھائیاں کھائیں،نواز شریف اگر ڈیلی ٹیلی گراف کے سپیلنگ بھی بتادو تو میں آئند ہ سے ان کے خلاف بات کر نا چھوڑ دوں گا یہ بزدل ہیں نواز شریف نے ایٹمی دھماکے کیا کرنے تھے ؟بلکہ ایٹمی دھماکے کرنے والے راجہ ظفر الحق راجہ ، گوہر ایوب اورشیخ رشید تھے۔انہوں نے کہا کہ کیسے کدو کدو جیسے بچوں کو ملین ڈالر کا مالک بنا دیا ہے ؟ہمارے بچے کا تو اٹھارہ سال کی عمر میں آئی ڈی کارڈ میں نہیں ملتا۔آج بھی کہتا ہوں یہ حدیبیہ پیپر مل کیس میں شہباز شریف سمیت دونون بھائیوں کی اولادیں بھی جیل جائیں گے، ہم اے کلاس جیل دیں گے ظالم نہیں ہیں۔ ایک ہم ہیں جنہوں نے سی کلاس میں پانچ پانچ سال گزارے۔ لوگو مسئلہ کیا ہے؟ کہتے ہیں کہ سی پیک میں لایا ہوں انہوں نے کیا لانا تھا سوائے اپنی تجوریاں بھر نے کے یہ تو کچھ کر ہی نہیں سکتے۔دیکھو میں نے کہا کہ تھا کہ پپو دو فیل تین میں کمپارٹ ہے لیکن یہ تو پانچوں میں فیل ہو گئے ہیں۔ ساری قوم سی پیک کے ساتھ ہے مگر چین والو اس میں ان کی پرسنٹیج ختم کرنے کے لئے کم کر دو تاکہ یہ کسی کام کے نہ رہیں۔ وزیراعلیٰ خیبر پختونخوا پرویز خٹک نے کہا ہے کہ لاہوریو! تیار ہو جاﺅ اب ہم نے شہباز شریف کو گرانا ہے، جب تک اڈیالہ جیل چوروں سے بھر نہیں جائے گی ہم چین سے نہیں بیٹھیں گے۔ نوازشریف کے نااہل ہونے پر سپریم کورٹ اور جے آئی ٹی مبارکباد کے مستحق ہیں، آج پاکستان کے عوام ڈاکوﺅں اور چوروں سے آزاد ہو گئے ہیں۔ انہوں نے کہا کہ نوازشریف کہتے ہیں کہ پرویز خٹک نے اسلام آباد پر چڑھائی کی ہے، میں کہتا ہوں کہ میاں صاحب اسلام آباد کیا آپ کے باپ کیا ہے؟ ہم دوبارہ وہاں آئیں گے۔ تحریک انصاف کے وائس چیئرمین شاہ محمود قریشی نے کہا ہے کہ میری آنکھیں دور دور تک نوازشریف کو جاتے اور عمران خان کو آتے دیکھ رہی ہیں، شریف برادران جب قطری خط لکھوا رہے تھے، عمران خان عدالت میں منی ٹریل پیش کر رہے تھے۔ قوم ظالمانہ نظام اور کرپٹ حکمرانوں سے تنگ آ چکی ہے وہ ایک مسیحا کی منتظر ہے۔ یوم تشکر سے خطاب کرتے ہوئے انہوں نے کہا کہ جب ہم نے پانامہ کیس عدالت میں لے جانے کا فیصلہ کیا تو بہت سے قانونی ماہرین نے اس فیصلے کو غلط قرار دیا تاہم وقت نے فیصلہ ٹھیک قرار دیا۔ انصاف پر مبنی فیصلہ کرنے پر سپریم کورٹ کے شکر گزار ہیں۔ سعد رفیق کا ہاضمہ بہت اچھا ہے جو اربوں روپے ہڑپ کر جاتے ہیں۔ یو اے ای حکومت نے لکھ کر دیا ہے کہ شریف خاندان نے جھوٹ بولا، ہمارا دامن صاف ہے قوم کے سامنے سرخرو ہوں گے۔ تحریک انصاف کے سیکرٹری جنرل جہانگیر ترین نے کہا ہے کہ شہبازشریف وزیراعظم بننے کا خواب نہ دیکھیں بلکہ نیب اور عدالت کو حساب دینے کی تیاری کریں، یوم تشکر سے خطاب کرتے ہوئے انہوں نے کہا کہ ماڈل ٹاﺅن میں معصوم لوگوں کا خون بہایا گیا، نجفی کمیشن رپورٹ سامنے لائی جائے تا کہ پتہ چلے کس کے کہنے پر خون کی ہولی کھیلی گئی، شہباز شریف حدیبیہ کیس میں مرکزی کردار ہے اسے اربوں روپے کا حساب دینا ہو گا۔ نوازشریف ابھی تک پوچھتے ہیں کہ میں نے کیا کیا ہے تھوڑے دن میں پھر آپ کو سارے جواب دینا پڑیں گے اور جواب نہ دینے پر جیل جانا پڑے گا۔ عوام کا لوٹا ہوا اربوں روپیہ واپس لا کر غریبوں پر خرچ کیا جائے گا۔