بولٹ نے کیرئیرکی آخری ڈائمنڈلیگ کویادگاربنالیا

پیرس (آئی این پی)جمیکا کے تیز دوڑ کے سپر سٹار یوسین بولٹ نے مناکو میں گذشتہ روز کی ڈائمنڈ لیگ میں 100میٹر کی دوڑ میں کامیابی حاصل کی جبکہ چین نے مردوں کی 4×100میٹر ریلے دوڑ میں کامیابی حاصل کی ، بولٹ جو آٹھ اولمپک اور گیارہ عالمی طلائی تمغہ یافتہ ہے نے مناکو کے سٹیڈی موئس iiمیں 9.95سیکنڈ کے ساتھ آخری 30میٹر میں امریکہ کے ایسیا ینگ کو شکست دیدی ، ینگ نے یہ فاصلہ 9.98جبکہ جنوبی افریقہ کے اکانی سم بائیں نے 10.02سیکنڈ میں فاصلہ طے کیا ، بولٹ لندن میں آئندہ ماہ ہونیوالی ورلڈ چپمپیئن شپ جہاں وہ 100 میٹر اور 4×100میٹر ریلے میں حصہ لے گا کے بعد سپورٹس سے ریٹائرڈ ہو جائیگا ۔، امریکی خواتین نے 100میٹر کی رکاوٹوں کی دوڑ میں اپنی برتری جاری رکھی ، عالمی ریکارڈ یافتہ کینڈر ا ہیری سن (12.51سیکنڈ ) نے ملکی اتھلیٹ شاریکا نلوس کو پیچھے چھوڑدیا ، آسٹریلیا کی 2012ءکی اولمپک طلائی تمغہ یافتہ سیلے پیرسن چوتھے نمبر پر رہیں ، مردوں کی 4×100میٹرریلے ریس میں چینی اتھلیٹوں وو جائی چیانگ ، شائی جین یی ، سو بنگ ٹیان اور جانگ پیمنگ نے 38.19سکینڈ کے ساتھ اعزاز جیت لیا ۔