فائنل میں انڈین کھلاڑی مجھ پر جملے کستے رہے

لاہور (سپورٹس ڈیسک) بھارت کیخلاف چیمپئنز ٹرافی فائنل میں فخر زمان کی شاندار پرفارمنس شائقین کرکٹ ابھی تک نہیں بھولے۔ پاکستانی ٹیم کے ساتھ انھیں ابھی تک مختلف اعزازات سے نوازا جا رہا ہے۔ فخر زمان نے بتایا کہ ویرات کوہلی اور ان کی ٹیم کے کھلاڑی فائنل میں مسلسل پاکستانی کھلاڑیوں کا مذاق اڑا رہے تھے۔ انہوں نے بتایا کہ انڈین باو¿لر جسپریت بمرا نے انھیں کہا کہ تھوڑا سامنے بھی رن بنا لے، کب تک ایسے کھیلے گا؟فخر زمان نے بتایا کہ جب میں اور اظہر علی وکٹ پر موجود رہ کر ٹیم کو آگے بڑھانے میں مصروف تھے تو دوسری جانب انڈین کھلاڑی بھی اپنی فقرے بازی جاری رکھے ہوئے تھے۔ انہوں نے بتایا کہ انڈین کھلاڑی مسلسل کہتے رہے کہ ارے، ایک وکٹ نکل جائے گی تو یہ سارے آو¿ٹ ہو جائیں گے۔ بس ایک کو نکالو جلدی۔ فخر زمان نے بتایا کہ کھل کے ابتدائی اوور میں ہی جسپریت بمرا نے انھیں وکٹوں کے پیچھے کیچ آو¿ٹ کروا دیا تھا، تاہم نو بال ہونے کی وجہ سے میری وکٹ بچ گئی۔ اس وجہ سے بمرا بھی مجھ پر فقرے کسنے والوں میں پیش پیش تھے، لیکن میں نے ان پر کان نہیں دھرے۔