ہمبنٹوٹا(نیوزایجنسیاں) سری لنکا نے نروشن ڈکویلا اور دنشکا گناتھیلاکا کی شاندار سنچریوں کی بدولت زمبابوے کو تیسرے ون ڈے میچ میں باآسانی آٹھ وکٹ سے شکست دے کر سیریز میں 1-0 کی برتری حاصل کر لی۔مساکاڈزا نے 98 گیندوں پر ایک چھکے اور 11 چوکوں کی مدد سے 111 رنز کی اننگز کھیلی جس کی بدولت زمبابوے کی ٹیم نے 310 رنز مجموعہ اسکور بورڈ کی زینت بنایا، تریسائی مساکانڈا 48 اور شان ولیمز 43 رنز بنا کر دیگر نمایاں بلے باز رہے۔311 رنز کے بڑے ہدف کے تعاقب میں گناتھیلاکا اور ڈکویلا نے اپنی ٹیم کو 229 رنز کا شاندار آغاز فراہم کر کے میچ کو یکطرفہ بنا دیا۔ڈکویلا 102 اور گناتھیلاکا 116 رنز بنانے کے بعد آو¿ٹ ہوئے اور ان کی شاندار کارکردگی کی بدولت سری لنکا نے آٹھ وکٹ سے باآسانی فتح حاصل کر کے سیریز میں برتری بھی حاصل کر لی۔ دنشکا گناتھیلاکا کو میچ کا بہترین کھلاڑی قرار دیا گیا۔