آفریدی کی دعوت سحری پر فنکاروں کیساتھ فوٹو سوشل میڈیا پر وائرل

کراچی (آئی این پی) ماہ رمضان آتے ہی افطار اور سحری کی دعوتوں کا سلسلہ شروع ہو جاتا ہے۔ معروف اداکارہ ثنا بچہ کی جانب سے بھی ایک دعوت سحری کا اہتمام کیا گیا جس کی خاص بات شوبز سیلیبریٹز کے علاوہ اسٹار کرکٹر شاہد آفریدی کی شرکت تھی۔گزشتہ رات سحری کے موقع پر معروف اداکاراں کے ساتھ لالا کی تصاویر سوشل میڈیا پرتیزی سے وائرل ہو رہی ہیں۔ شاہد آفریدی نے بھی اپنے آفیشل فیس بک پیج پر تصاویر پوسٹ کیں۔ اور اداکارہ ثنا بچہ کا شکریہ اداکیا۔ثنا بچہ کی اس سحری دعوت میں سنیتا مارشل، صبا قمر، ہمایوں سعید، ان کی اہلیہ، رہنما پی ٹی آئی فیصل وواڈا، معروف ڈیزائنر جوڑی ہما عدنان ، امیر عدنان ، ماڈل طوبی صدیقی، اداکارہ سونیا خان، ماہر میک آرٹسٹ صبا انصاری، فیشن ڈیزائنر ٹینا درانی سمیت شو بز کی دیگر شخصیات شریک ہوئیں۔