چیمپئنز ٹرافی :جنوبی افریقہ کو شکست دے کر بھارت سیمی فائنل میں پہنچ گیا

لندن( سپورٹس ڈیسک) آئی سی سی چیمپئنز ٹرافی کے گیارہویں میچ میں بھارت نے جنوبی افریقا کو 8 وکٹوں سے شکست دے دی۔آئی سی سی چیمپئنز ٹرافی کے گیارہویں میچ میں جنوبی افریقا نے پہلے کھیلتے ہوئے 191 رنز کا ہدف دیا جو بھارت نے 38ویں اوور میں 2 وکٹوں کے نقصان پرحاصل کرلیا، بھارت کی جانب سے اننگز کا آغاز روہت شرما اور شیکھر دھون نے کیا تاہم دونوں کھلاڑی صرف 23 رنز کی شراکت داری قائم کرسکے جس کے بعد روہت شرما 12 رنز بناکر آو¿ٹ ہوگئے جب کہ شیکھر دھون نے 78 رنز کی شاندار اننگز کھیلی اور 151 کے مجموعی اسکور پرعمران طاہر کا نشانہ بنے، اوپنرز کے آو¿ٹ ہونے کے بعد ویرات کوہلی اور یوراج سنگھ نے ٹیم کا اسکور آگے بڑہایا اور 38 ویں اوورز میں ہدف حاصل کرلیا، ویرات کوہلی نے 76 اور یوراج سنگھ نے 23 رنز بنائے۔اس سے قبل جنوبی افریقا کی پوری ٹیم پہلے بیٹنگ کرتے ہوئے 44 ویں اوور میں 191 رنز پر آو¿ٹ ہو گئی۔ جنوبی افریقا کے پہلے آو¿ٹ ہونے والے کھلاڑی ہاشم آملہ تھے جو 35 رنز بنا کر آو¿ٹ ہوئے جبکہ 116 کے مجموعی اسکور پر کوئنٹن ڈی کوک بھی پویلین لوٹ گئے۔ جنوبی افریقی کپتان اے بی ڈویلیئرز 16 اور ڈیوڈ ملر ایک رن بنا کر رن آو¿ٹ ہوئے جب کہ فاف ڈوپلیسی بھی 36 رنز سے آگے نہ بڑھ سکے۔ جے پی ڈومینی 20 رنز بنا کر ناٹ آو¿ٹ رہے تاہم کوئی بھی دوسرا کھلاڑی ان کا ساتھ نہ دے سکا۔بھارت کی جانب سے بھویشنور کمار اور جسپریت بمراہ نے 2، 2 جب کہ ایشون، پانڈیا اور جڈیجہ نے ایک ایک کھلاڑی کو آو¿ٹ کیا۔ جنوبی افریقا کے 3 بلے باز رن آو¿ٹ ہوئے۔قبل ازیں بھارت کے کپتان ویرات کوہلی نے ٹاس جیت کر پہلے جنوبی افریقا کو بیٹنگ کی دعوت دی۔ بھارتی ٹیم میں ایک تبدیلی کی گئی ہے اور امیش یادیو کی جگہ روی چندرن ایشون کو ٹیم میں شامل کیا گیا ہے جبکہ جنوبی افریقا نے وین پارنیل کی جگہ اینڈیل پھلکوائیو کو ٹیم میں شامل کیا ہے۔