مظفرگڑھ (خصوصی رپورٹ) مظفر گڑھ کے علاقے شہرسلطان میں جن نکلوانے جانے والی خاتون کو جعلی پیر نے ہوس کا نشانہ بنا ڈالا، جعلی پیر اپنے آستانے پر ایک ہفتے تک عورت کو جنسی تشدد کا نشانہ بناتا رہا۔ تفصیلات کے مطابق مظفرگڑھ کے علاقے شہر سلطان میں جعلی پیر نے جن نکالنے کے بہانے خاتون کو اپنے آستانے پر بلایا اور تشدد کا نشانہ بنا ڈالا، شہرسلطان کی رہائشی (ث) کے مطابق جعلی پیر نے پہلے تو اس سے صدقے میں دو بکرے اوردومرغیاں لیں اور پھر گھر سے سونے کی دیگ نکالنے کا جھانسہ بھی دیتا رہا، جعلی پیر کے جھانسے کا نشانہ بناتے ہوئے ایک ہفتے تک آستانے پر ہی قید کیے رکھا، پولیس نے جعلی پیر ندیم کیخلاف تھانہ شہر سلطان میں مقدمہ درج کرکے اسے گرفتار کرلیا ہے۔
