موجودہ پاکستانی کیمپ میں وسیم جیسا کوئی باﺅلر نہیں

برمنگھم (آئی این پی) جنوبی افریقہ کے کپتان اے بی ڈویلیئر نے کہا ہے کہ پاکستان کے موجودہ کیمپ میں وسیم اکرم جیسا کوئی بھی بولر نہیں ہے اس لیے بھرپور اعتماد کے ساتھ پاکستان کے خلاف میدان میں اتریں گے۔برمنگھم میں پریس کانفرنس سے خطاب کرتے ہوئے جنوبی افریقہ کے کپتان اے بی ڈویلیئرز نے پاکستان کے خلاف کھیلے جانے والے آئندہ میچ کے حوالے سے اپنے گیم پلان پر روشنی ڈالی ۔ انہوں نے کہا کہ پاکستان کے پاس سپن اٹیک اچھا ہے لیکن ہم نے اپنا ہوم ورک مکمل کرلیا ہے اور پاکستانی سپن اٹیک کو کھیلنے کیلئے تیار ہیں۔پاکستان کی فاسٹ بولنگ کے حوالے سے گفتگو کرتے ہوئے اے بی ڈویلیئرز نے کہا کہ پاکستان کے موجودہ کیمپ میں وسیم اکرم جیسا کوئی بھی بولر نہیں ہے اس لیے بھرپور اعتماد کے ساتھ پاکستان کے خلاف میدان میں اتریں گے اور بھرپور طریقے سے بالرز کا سامنا کریں گے۔ میچ میں بارش کے حوالے سے پوچھے گئے سوال کے جواب میں اے بی ڈویلیئرز کا کہنا تھا کہ صرف اپنی کرکٹ کنٹرول کرسکتے ہیں اور اچھا کھیل پیش کر سکتے ہیں لیکن بارش پر کسی کا کوئی کنٹرول نہیں ہے۔