اسلام آباد (خصوصی رپورٹ) وزیراعلیٰ بلوچستان نواب ثناءاللہ زہری کے بھائی نعمت اللہ زہری کا تحریک انصاف میں شمولیت کا امکان ہے۔ انہوں نے بلوچستان تحریک انصاف کے صدر سابق وفاقی وزیر یارمحمد رند سے ملاقات کی اور پارٹی میں شمولیت کیلئے شرائط سے آگاہ کر دیا۔ ذرائع سے معلوم ہوا ہے کہ ابتدائی طور پر تحریک انصاف میں شمولیت بارے تبادلہ خیال کیا گیا ہے۔ نعمت اللہ زہری 2015 ءمیں مسلم لیگ (ن) کے ٹکٹ پر بلوچستان سے سنیٹر منتخب ہوئے تھے۔ انہوں نے گزشتہ دنوں مسلم لیگ چھوڑنے اور سینٹ رکنیت سے استعفیٰ دینے کا اعلان کیا تھا۔ یار محمد رند تحریک انصاف کے سربراہ عمران خان سے ملاقات کرکے صورتحال سے آگاہ کریں گے۔ ذرائع سے یہ بھی معلوم ہوا ہے کہ نعمت اللہ زہری کے علاوہ مسلم لیگ (ن) سے تعلق رکھنے والے متعدد ایم پی اے ‘ کئی پارٹی عہدیدار پارٹی چھوڑنے کیلئے تیار بیٹھے ہیں۔
نعمت اللہ زہری‘ شمولیت
