عمر اکمل اور جنید خان کو وارننگ

لاہور(نیوزایجنسیاں) پاکستان کرکٹ بورڈ(پی سی بی) نے پاکستان کپ کے درمیان نازع کا شکار ہونےوالے عمر اکمل اور جنید خان کو وارننگ دینے کا فیصلہ کیا ہے کہ اگر انہوں نے رویہ بہتر نہ کیا تو انہیں چار سے چھ ہفتوں کیلئے معطل کردیا جائے گا۔پاکستان کپ کے دوران جنید خان اور عمر اکمل کے درمیان تنازع کھڑا ہوگیا تھا اور پنجاب کی ٹیم کے کپتان عمر اکمل نے فاسٹ باو¿لر پر بغیر بتائے ٹیم چھوڑ کر جانے کا الزام عائد کیا تھا۔ٹاس کے موقع پر جنید خان کے نہ کھیلنے کی وجہ دریافت کرنے پر عمر اکمل نے انکشاف کیا تھا کہ انہیں خود نہیں پتہ اور جب وہ میدان میں آئے تو علم ہوا تھا کہ فاسٹ باو¿لر میچ کیلئے نہیں آئے۔ادھر جنید خان نے ویڈیو پیغام کے ذریعے عمر کے بیان کو یکسر مسترد کرتے ہوئے دعویٰ کیا کہ وہ بیمار ہیں اور اس بارے میں انہوں نے ٹیم کے ڈاکٹر کو بھی اس بارے میں مطلع کیا تھا۔پاکستان کرکٹ بورڈ نے واقعے کا نوٹس لیتے ہوئے اس کی تحقیقات کیلئے کمیٹی قائم کر دی تھی اور کمیٹی نے اپنی رپورٹ مکمل کر کے چیئرمین پی سی بی شہریار خان کو بھیج دی ہے۔اس سلسلے میں آفیشل اعلامیہ ایک دو دن میں جاری کیا جائے گا لیکن ذرائع نے نام طاہر نہ کرنے کی شرط پر ڈان کو بتایا کہ کمیٹی نے دونوں کھلاڑیوں پر چار سے چھ ہفتے پابندی کی سزا تجویز کی ہے۔لیکن چونکہ دونوں کھلاڑی چیمپیئنز ٹرافی کیلئے پاکستانی اسکواڈ میں شامل ہیں لہٰذا معطلی سے پاکستانی ٹیم مشکلات کا سامنا کرنا پڑ سکتا ہے اور ان کے متبادل ڈھونڈنا بھی درد سر ہو گا۔