اسپاٹ فکسنگ؛معطل کرکٹرنے کئی ساتھیوں کا کچا چٹھا کھول دیا

لاہور(ویب ڈیسک)پاکستان سپرلیگ اسپاٹ فکسنگ اسکینڈل میں معطل کرکٹر نے اینٹی کرپشن یونٹ کےسامنے زبان کھول دی۔ انکشاف کیا کہ بکیزکے رابطے بہت سے کھلاڑیوں سے ہیں جن میں لاہور میں رہنے والے دو بھائی بھی شامل ہیں۔پی ایس ایل اسپاٹ فکسنگ میں معطل کرکٹر نے پی سی بی اینٹی کرپشن یونٹ کے سامنے کئی ساتھیوں کا کچا چٹھا کھول دیا۔انکشاف کیا کہ بکیز سے رابطوں میں لاہور کے دو کرکٹر بھائی بھی شامل ہیں۔ کیا اوپنر اور کیا مڈل آرڈر بیٹسیمن؟اسپاٹ فکسنگ کیس صرف چھ کھلاڑیوں تک محدود نہیں۔معطل کرکٹر نے  اینٹی کرپشن یونٹ کے سامنے پیشی پرانکشاف کیا کہ بکیز بہت سے کرکٹرز کے دوست ہیں،  ٹیم کا حصہ رہنے والے لاہورکے دو بھائیوں کے جواریوں سے قریبی تعلقات ہیں۔اینٹی کرپشن یونٹ کو یہ بھی بتایا گیا کہ یوسف بکی کے دوستوں میں دبئی میں مقیم سابق ٹیسٹ کرکٹربھی شامل ہے۔معطل کرکٹر نے دعویٰ کیا کہ دوہزار تیرہ کی چیمپئنز ٹرافی میں یوسف بکی نہ صرف پاکستانی کرکٹرز کے ساتھ سیرو تفریح کرتارہا بلکہ قومی ٹیم کا حصہ رہنے والا اوپنراس کا میزبان تھا۔