محمد نواز پہلی عارضی معطل ، وجہ انتہائی حیران کن

لاہور(سپورٹس رپورٹر)فکسنگ کے چنگل میں آئے محمد نواز پہلی سماعت کے بعد عارضی معطل ہو گئے۔ کرکٹ سے آو¿ٹ ہونے والے کھلاڑیوں کی تعداد 6 ہو گئی۔ آل راو¿نڈر کو چارج شیٹ بھی جاری کیے جانے کا امکان ہے۔پاکستان سپر لیگ (پی ایس ایل )سپاٹ فکسنگ سکینڈل میںآل راﺅنڈر محمد نواز پی سی بی اینٹی کرپشن یونٹ کے سامنے پیش ہوئے ۔جمعرات کوآل راونڈر محمد نواز کی اینٹی کرپشن یونٹ کے سامنے پیشی ہوئی ہے، سماعت کے دوران یونٹ کے سربراہ کرنل (ر) اعظم نے ان سے سوالات کیے، چارج شیٹ جاری ہونے پر ان کی عبوری معطلی کے دورسے گزرناپڑیگا۔ ذرائع کے مطابق محمد نواز پر الزام ہے کہ دورہ آسٹریلیا کے دوران ان سے بکیوں نے رابطہ کیا جس پر انہوں نے اینٹی کرپشن یونٹ حکام کو بروقت آگاہ نہیں کیا۔اگر آل راﺅنڈر محمد نواز کو چارج شیٹ جاری کر دی گئی تو ابتدائی طور پر ان کی عبوری معطلی کے امکانات موجود ہیں۔ ان پر لگائے گئے الزامات دیگر پلیئرز سے مختلف ہیں اس لیے ان کی سزا بھی ممکنہ طور پر کم ہو گی۔ کیس کی باقاعدہ سماعت شروع ہونے پر مزید تفصیلات سامنے آئیں گی۔واضح رہے کہ اسی نوعیت کے کیس میں فاسٹ بولر محمد عرفان کو ایک سال معطلی اور 10 لاکھ روپے جرمانے کی سزا سنائی گئی تھی۔