ویسٹ انڈیز کی ٹاس جیت کر بولنگ کا فیصلہ

ڈومینیکا(ویب ڈیسک ) ویسٹ انڈیز نے پاکستان کے خلاف تیسرے ٹیسٹ میچ میں ٹاس جیت کر پاکستان کو بیٹنگ کی دعوت دی ہےپاکستان ٹیم میں دو تبدیلیاں کی گئی ہیں، شاداب خان کی جگہ حسن علی کو ٹیم میں شامل کیا گیا ہے جب کہ احمد شہزاد کی جگہ شان مسعود کو اوپننگ بیٹسمین کے طور پر کھلایا گیا ہے۔ شہزاد طبیعت کی خرابی کی وجہ سے تیسرا میچ نہیں کھیل پائے۔پاکستان کی پلیئنگ الیون میں اظہر علی، شان مسعود، بابر اعظم، یونس خان، کپتان مصباح الحق، اسد شفیق، سرفراز احمد، محمد عامر، یاسر شاہ، محمد عباس اور حسن علی شامل ہیں۔ویسٹ انڈیز کی جانب سے گزشتہ میچ کے فاتح سکواڈ میں کوئی تبدیلی نہیں کی گئی۔ ٹیم میں کیرن پاﺅل، کریگ بریتھ ویٹ، شمرون ہیٹمائر، شائی ہوپ، راسٹن چیز، وشال سنگھ، شین ڈاروچ، کپتان جیسن ہولڈر، دویندرا بشو، الزاری جوزف اور شینن گیبریل شامل ہیں