مسلم لیگ ”ن“کی اہم ترین شخصیت کو چیئرمین کرکٹ بورڈ بنائے جانے کا امکان….دیکھیں خبر

لاہور (وقائع نگار) ذرائع سے معلوم ہواکہ سابق وفاقی وزیر اطلاعات و نشریات پرویز رشید کو پاکستان کرکٹ بورڈ کا چیرمین لگائے جانے کا امکان ہے،پی سی بی کے موجودہ چیرمین شہریار خان اپنی عمر اور ناسازی طبیعت کی بنا پر جلد ہی اپنے عہدے سے استعفیٰ وزیراعظم پاکستان کو پیش کرسکتے ہیں جس کے بعد وفاقی حکومت کی جانب سے پرویز رشید کے بطور چیرمین پی سی بی تعیناتی کا نوٹیفکیشن جاری کیا جائے گا۔ذرائع نے انکشاف کیا ہے کہ پاکستان کرکٹ بورڈ کے چیرمین شہریار خان جن کی عمر اس وقت لگ بھگ 83برس ہے نے کئی بار حکومت سے اپنی ذمہ داریاں جاری نہ رکھنے کے حوالے سے درخواست کی ہے مگر وزیراعظم پاکستان کی جانب سے انہیں کام جاری رکھنے کا حکم دیا تھا ۔پاکستان کرکٹ بورڈ کے آئین کے مطابق چیرمین کا انتخاب بورڈ آف گورنرز کی میٹنگ میں کیا جاتا ہے اس کی درخواست پیٹرن ان چیف الیکشن کمشنر کو کرتا ہے جس کے لیے چار ہفتوں کا وقت مقرر ہے۔