یونس خان کی محنت کا پھل ، اہم عہدہ دینے کا فیصلہ

اسلام آباد (نیوزایجنسیاں)پاکستان کرکٹ بورڈ نے اپنے کیریئر کی آخری ٹیسٹ سیریز کھیلنے والے عظیم بلے باز یونس خان کی خدمات سے استفادہ حاصل کرنے کا فیصلہ کیا ہے۔پی سی بی ذرائع کے مطابق بورڈ نے یونس کو انڈر19 ٹیم کا مینٹور بنانے کا فیصلہ کیا ہے اور کیریئر کے آخری ٹیسٹ میچ کے بعد یہ عہدہ سنبھا لیں گے۔یونس جنوری 2018 میں نیوزی لینڈ میں ہونے والے انڈر 19 ورلڈ کپ میں ٹیم کی رہنمائی کریں گے۔یاد رہے کہ یونس خان پاکستان سپر لیگ کی چیمپیئن پشاور زلمی کی ٹیم کے بیٹنگ کوچ مینٹور ہیں۔یونس نے گزشتہ ماہ ریٹائرمنٹ کا اعلان کرتے ہوئے کہا تھا کہ ویسٹ انڈیز کے خلاف سیریز ان کے کیریئر کی آخری سیریز ہو گی۔ویسٹ انڈیز کے خلاف حالیہ سیریز۷ میں یونس خان پاکستان کی جانب سے ٹیسٹ کرکٹ میں 10ہزار رنز بنانے والے پہلے اور دنیا کے 13ویں بلے باز بن گئے تھے۔