فکسنگ سکینڈل ، پی سی بی پر ڈیل کیلئے دباﺅ ڈالنے کا الزام

لاہور ( سپورٹس رپورٹر) خالد لطیف کے وکیل بدرعالم نے پی سی بی پر ڈیل کیلئے دباو¿ ڈالنے کا الزام لگا دیا ، میڈیا سے بات کرتے ہوئے ان کا کہنا تھا کہ پی سی بی کے پاس کرکٹر سے متعلق ٹھوس ثبوت پیش نہیں۔ اس سے قبل شرجیل خان نے اپنے خلاف الزامات کا جواب جمع کروانے کیلئے دس مئی تک کی مہلت مانگ لی ہے۔ پی سی بی خالد لطیف پر دباو¿ ڈال کر ڈیل کرنے پر مجبور کر رہا ہے ، معطل کرکٹر کے وکیل نے کرکٹ بورڈ پر بڑا الزام لگا دیا۔ کھلاڑی کے وکیل کا میڈیا سے بات کرتے ہوئے کہنا تھا خالد کیخلاف کوئی ٹھوش ثبوت نہیں ، پی سی بی بار بار طلب کر کے ڈیل کیلئے دباو¿ ڈال رہا ہے۔ اس سے قبل شرجیل خان اپنے خلاف الزامات کا جواب جمع کروانے میں ناکام ، دس مئی تک جواب داخل کروانے کی مہلت مانگ لی۔سپاٹ فکسنگ کے الزام میں معطل کرکٹر خالد لطیف ٹریبیونل کے سامنے پیش ہوئے اور پی سی بی اینٹی کرپشن یونٹ کی جانب سے لگائے گئے الزامات کے جواب جمع کروائے۔پیشی کے بعد خالد لطیف کے وکیل نے میڈیا سے گفتگو کرتے ہوئے کہا کہ جب کرکٹر نے پی ایس ایل میں کوئی میچ کھیلا ہی نہیں ہے تو پھر فکسنگ کہاں سے ہو گئی۔ ٹریبیونل محض دکھاوا ہے، چیئرمین پی سی بی کو ٹریبیونل تشکیل دینے کا اختیار ہی نہیں ہے، بورڈ کے پاس کوئی گواہ اور ثبوت ہی نہیں۔صرف خالد لطیف کی جانب سے رضاکارانہ طور پر دیا جانے والا وڈیو بیان ہے۔وکیل کا کہنا تھا کہ کرکٹر نے پی سی بی کے ساتھ ڈیل کرنے سے انکار کیا جس پر انہیں ہراساں کیا جا رہا ہے لیکن ہمارا کیس مضبوط ہے، بھاگیں گے نہیں، ٹریبیونل اور عدالت میں ہر الزام کا جواب دیں گے۔ انہوں نے کہا کہ فریقین کو طلب کیا گیا ہے، اسپاٹ فکسنگ میں غیرملکی کھلاڑی بھی ملوث ہیں جن کے نام 10 مئی کو شیڈول آئندہ سماعت میں سامنے لائیں گے۔