سپرلیگ فائنل پاک بھارت میچ سے زیادہ دیکھاگیا

اسلام آباد(نیوزایجنسیاں) قومی اسمبلی کی قائمہ کمیٹی برائے بین الصوبائی رابطہ کو بریفنگ دیتے ہوئے پی سی بی چیف آپریٹنگ آفیسر سبحان احمدنے کہا ہے کہ پی ایس ایل تھری کے 8 میچز پاکستان میں کروائیں گے، جن میں4 لاہور اور 4 میچز کراچی میں ہوں گے، پی ایس ایل ٹو فائنل کی ریٹنگ پاک بھارت میچ سے دگنی تھی۔ سبحان احمد نے قائمہ کمیٹی برائے بین الصوبائی رابطہ کو بتایا ہے کہ پی ایس ایل فائنل پاک بھارت میچ سے زیادہ دیکھا گیا۔قائمہ کمیٹی کو بریفنگ دیتے ہوئے چیف آپریٹنگ آفیسر پی سی بی سبحان احمد کا کہنا تھا کہ پاک بھارت میچ کے دوران ریٹنگ 10 پوائنٹ تک رہی جبکہ پی ایس ایل فائنل کے دوران ٹی وی ریٹنگ 21 پوائنٹ تک پہنچ گئی تھی۔ لاہور میں پی ایس ایل 2 کا فائنل کامیاب رہا جب کہ 9 غیر ملکی کھلاڑی موجود تھے۔ سبحان احمد کا کہنا تھا کہ پی ایس ایل 3 کے 8 میچز پاکستان میں کروائے جائیں گے، 4 میچز لاہور جبکہ 4 کراچی میں کھیلے جائیں گے، اسپاٹ فکسنگ کیس کے حوالے سے انہوں نے کہا کہ اسپاٹ فکسنگ کیس میں 5 کرکٹرز معطل کر چکے ہیں۔، ایک کھلاڑی کو سزا دیدی جب کہ باقی 4 کے خلاف تحقیقات جاری ہیں۔، ناصر جمشید انگلینڈ میں ہیں جہاں نیشنل کرائم ایجنسی نے ان پر الزام لگا رکھا ہے لہذا وہ پاکستان کا سفر نہیں کر سکتے۔