نیویارک(شوبز ڈیسک )معروف گلوکار جسٹن بیبرنے بھارت آنے سے پہلے اپنی فرمائشی لسٹ شو انتظامیہ کو تھما دی، فہرست سوشل میڈیا پر وائرل ہو گئی۔بڑے گلوکار کے بڑے نخرے، جسٹن بیبر نے بھارت میں شو کرنے سے پہلے شو انتظامیہ کو ہلا کر رکھ دیا، فرمائشوں کی طویل فہرست تھما دی، کینیڈین گلوکار دس مئی کو ممبئی کے ڈی وائے پٹیل اسٹیڈیم میں پرفارم کریں گے۔لسٹ کے مطابق جسٹن بیبر کا قافلہ دس لگڑری گاڑیوں اور دو بسوں پرمشتمل ہوگا، انہوں نےا?ٹھ ذاتی گارڈز سمیت ایک سو بیس افراد کے لئے مہاراشٹر حکومت سے زیڈ لیول سیکورٹی مانگ لی۔شو انتظامیہ سے یہ بھی کہا کہ ان کے لئے ایک عدد رولز رائس گاڑی کا بھی انتظام کر یں، یہ ہی نہیں شو انتظامیہ نے گلوکار کی فرمائش کے مطابق بیک اسٹیج پنگ پانگ ٹیبل، پلے اسٹیشن، آئی او ہاک، صوفہ سیٹ، واشنگ مشین، ریفریجریٹر، کپڑوں کی الماری، مساج ٹیبل اورسوئمنگ پول کا بھی انتظام کر دیا ہے۔گلوکار کے لئے دو فائیو اسٹار ہوٹل بک ہیں ،جسٹن ایک ہزار اسکوائر فٹ کے کمرے میں ٹھہریں گے، جسےگلوکار کی پسند کے مطابق جامنی رنگ سے سجایا گیاہے، چار دن کے دورے کے دوران بھارت کے معروف شیف جسٹن بیبر کے لئے ان کی فرمائش کے مطابق خصوصی کھانے بھی تیار کریں گے۔
